SuperDizionari

sù e jù loc.av.

In alt e in bas, soredut cuntun moviment che al torne a fâsi plui voltis

esemplis

"po si sentave, e jù une inglanzide di vin, che il grop dal cuel i balave sù e jù, come un saltel di puarte"

gjavât fûr di "La aghe da pît la cleve" di Dino Virgili

"al sbassà il plat de lampade di un mieç metri. Al jere un di chei plats cu la cidule e il piruç di crep, di tirâ sù e jù"

gjavât fûr di "Prime di sere" di Carlo Sgorlon

sù e jù loc.s.m.inv.

Teren, percors e v.i. cun rilêfs e bassuris

esemplis

"no je une cueline sole ma tantis, o pûr e je une, ma dute un sù e jù di podê semeâ tantis"

gjavât fûr di "La "Fieste dai Roncs"" di Meni Ucel

sù e jù loc.av.

Cun alternance di cundizions, valôrs, risultâts e v.i.

esemplis

"se o cjalìn la storie dal pinsîr autonomistic intal ultin secul, o viodìn che la evoluzion de sô parabule e va sù e jù daûr des fasis de nestre storie"

gjavât fûr di "Un viaç aes lidrîs de specialitât" di Walter Tomada

sù e jù loc.s.m.inv.

Alternance ancje ripetude

esemplis

"la medie di jentradis e varà tai agns dai sù e jù ancje avonde marcâts"

gjavât fûr di "Un Friûl difarent: i 90 mhz di Onde Furlane" di Max Mauro

sù e jù loc.av.

Di une bande a chê altre, soredut plui voltis

esemplis

"une lampide impiade devant l'altâr di sant Antoni e à fat lusôr dute la gnot a chei doi fraris che levin sù e jù pe glesie, fasint la vuardie a dute chê marmaie di devots indurmidîts"

gjavât fûr di "La cjargnele dal avout" di Giovanni Gortani

"a jentre in cjamare, e met il ferâl sul scabel, si gjave il façoleton, e zire sù e jù pe cjamare"

gjavât fûr di "Al fresc" di Pieri Somede dai Marcs

sù e jù loc.av.

In maniere aprossimative

sinonims

pressapôc, un pressapôc, circje, plui o mancul, ce plui ce mancul, sù par jù

esemplis

"al è pôc [di paiâ di sigurazion], ce crodêso: sun dîs mil francs di sigurât a son sù e jù trente francs ad an di paiâ, e a ratis"

gjavât fûr di "La aghe da pît la cleve" di Dino Virgili

""Trop saraial [di multe], par plasê?" "Dôs voltis il bol: vot mil francs, sù e jù…""

gjavât fûr di "Jo, evasôr fiscâl" di Riedo Pup

monolengâl